लकडाउनमा झण्डै तीन अर्बको लगानी स्वीकृत, वैदेशिक लगानी करीब एक अर्ब
<p>काठमाडौं। कोरोना भाइरसको रोकथाम तथा नियन्त्रण गर्न लकडाउन जारी रहेका समयमा झण्डै तीन अर्ब रूपैयाँको लगानी स्वीकृत भएको छ।</p>
<p>लकडाउन अवधिमा उद्योग विभागबाट स्वदेशी तथा विदेशी लगानी गरी दुई अर्ब ७४ करोड ९० लाख रूपैयाँको लगानी स्वीकृत भएको हो।</p>
<p>उद्योग मन्त्रालयले दिएको जानकारी अनुसार यस अवधिमा ११ वटा उद्योगमा ९२ करोड ९० लाख रूपैयाँको विदेशी लगानी स्वीकृत भएको छ।</p>
<p>यस्तै, विभागले लकडाउन अवधिमै एक अर्ब ८२ करोड २० लाख रूपैयाँको स्वदेशी लगानी स्वीकृत गरेको छ।</p>
<p>यस अवधिमा सबैभन्दा बढी विदेशी लगानी चीनबाट चिनबाट भित्रिएको उद्योग मन्त्रालयका प्रवक्ता प्रकाश दाहालले बताए।</p>
<p>चीनबाट सातवटा उद्योगमा ७२ कराेड ७० लाख रूपैयाँको लगानी भित्रिएको छ। यस्तै, भारत, दक्षिण कोरिया, नेदरल्याण्ड र मलेशियाबाट पाँच/पाँच करोड रूपैयाँको लगानी भित्रिएको छ।</p>
<p>यसैगरी मन्त्रालयले उद्योग, वाणिज्य तथा आपूर्ति मन्त्रीको संयोजकत्वमा उद्योग तथा लगानी क्षेत्रका व्यक्तिहरू एवं विज्ञहरूसहितको एक उच्चस्तरीय औद्योगिक तथा लगानी नीति मञ्च गठन गरेको छ।</p>
<p>मन्त्रालयले औद्योगिक व्यवसाय ऐन, २०७६, को दफा २० मा व्यवस्था भएको औद्योगिक तथा लगानी प्रवर्द्धन बोर्डको काममा सहयोग गर्न यस्तो समिति गठन गरेको हो।</p>
प्रतिक्रिया दिनुहोस्
.jpg)
