तीन महीनापछि खुले स्विट्जरल्यान्डका रिसोर्ट
<p>जेनेभा। गत मार्चमा युरोपमा कोरोना भाइरस फैलिएको आएलगत्तै स्विट्जरल्यान्डको ‘स्की’ बीचमै रोकियो। त्यतिबेला आल्प्स पर्वतमालामा भरखरै हिमपात शुरु भएको थियो।</p>
<p>त्यसपछि त्यस क्षेत्रका होटेलहरू रातारात खाली भए। केबल कार र पर्वतीय रेलसेवा जहाँ त्यहीं रोकियो।</p>
<p>स्विट्जरल्यान्डका बासिन्दा र विदेशी पर्यटकले स्किइङको आनन्द उठाउन सकेनन्। त्यसका कारण त्यस क्षेत्रमा बसोबास गर्ने मानिसले ठूलो आर्थिक नोक्सानी व्यहोर्नु पर्‍यो। </p>
<p>तर, तीन महीनापछि स्विट्जरल्यान्डका रिसोर्टहरू खुल्न थालेका छन्। तर, मानिसहरूबीच अनिवार्य दुई मिटरको दूरी कायम गर्नुपर्ने नियम बनाइएको छ।</p>
<p>पर्वतीय रेलमा यात्रा गर्दा मास्क अनिवार्य पहिरिनु पर्नेछ। तर, अब स्विट्जरल्यान्डको पहाडी शृंखलामा हिउँको मजा लिन अर्को हिउँद नै पर्खिनु पर्नेछ। मार्चमा वर्षिएको हिउँ पग्लिइसकेको छ।</p>
प्रतिक्रिया दिनुहोस्
.jpg)
