Others

गृहपृष्ठ

सरकारकाे बदनाम गर्नेहरूकाे प्रतिवाद गर्नुहाेस्: दाहाल काठमाडौं । नेपाल कम्युनिष्ट पार्टी (नेकपा) का अध्यक्ष एवं पूर्वप्रधानमन्त्री पुष्पकमल दाहालले वर्तमान सरकारलाई बदनाम गराउन खोज्ने तत्वहरू सक्रिय रहेकाे बताएका छन्। त्यसलाई चिर्दै सरकार विकास र समृद्धिमा निरन्तर अगाडि बढ्ने बताउँदै उनले त्यसकाे प्रतिवाद गर्न कार्यकर्तालाई निर्देशन पनि दिएका छन् ।  आज नेवाः मुक्ति मोर्चा नेपालले आयोजना गरेको मध्यपुरथिमिस्थित शङ्खधर साख्वाः को शालिकमा माल्यापर्ण एवंं शुभकामना आदानप्रदान कार्यक्रममा उनले भने, “अहिले नेकपालाई र वर्तमान सरकारलाई बदनाम गराउने र विवाद उत्पन्न गराउने तत्व सक्रिय भइरहेका छन्, त्यस्ता तत्वलाई चिर्दै पार्टी र सरकार निरन्तर देशको विकास र समृद्धिमा लागिरहने छ ।” उनले सरकार पटक–पटक फेरिने प्रक्रियाको अब अन्त्य हुने बताउँदै मुलुक राजनीतिक स्थायित्वका साथै विकास र समृद्धिमा अगाडि बढेको दावी गरे । उनले सामाजिक न्याय स्थापना गर्ने अभियानमा सरकार सक्रिय रहेको चर्चा गर्दै सामाजिक रूपान्तरण हुने प्रक्रिया अगाडि बढिरहेको बताए ।  अध्यक्ष दाहालले नेपाल संंवतलाई नेवारहरूको मात्र संवत् हो भन्ने सन्देश दिएर अगाडि जान नहुनेमा सचेत गराउँदै यसलाई साझा संंवतका रूपमा लैजानुपर्ने बताए । आफू प्रधानमन्त्री हुँदा नेपाल संवतलाई राष्ट्रिय संवतकाे रूपमा घोषणा गरेको तर व्यवहारमा अझै प्रभावकारी नभएको बताउँदै दाहालले शङ्खधर साख्वाःबाट प्रेरित भई आफू प्रधानमन्त्री हुँदा किसानको ३० हजार रूपैयाँ ऋण मिनाहा गरिदिएकोसमेत दावी गरे ।