हेलिकप्टरबाट गोली प्रहार गर्दा ९ जनाको मृत्यु
<p>दमास्कस। सिरियाको एउटा गाउँमा हेलिकप्टरबाट गोली प्रहार गर्दा कम्तीमा ९ जनाको मृत्यु भएको छ।</p>
<p>आज बिहानै भएको आक्रमणमा परी मृत्यु भएका सबैजना इस्लामिक स्टेट (आईएस)सँग आबद्ध लडाकू रहेको अधिकारीहरूले जनाएका छन्।</p>
<p>सिरियाको उत्तरपश्चिमी इड्लीब प्रान्तमा घटना भएको स्थानीय सञ्चारमाध्यमहरूले समाचार सम्प्रेषण गरेका छन्।</p>
<p>आइएस लडाकूहरुको समूह लुकेर बसेको भन्ने सूचनाका आधारमा सो गाउँमा अमेरिकी वायुसेनाले आक्रमण गरेको सरकारी अधिकारीहरूको भनाइ छ।</p>
<p>आइएस लडाकू रहेको घर र कारलाई लक्षित गरेर इड्लीब प्रान्तको बरिशा भन्ने गाउँमा आक्रमण भएको थियो।</p>
<p>सिरियन अब्जरभेटरी फर ह्युमन राइट्सले आक्रमणमा परी आइएस लडाकू नेता अबु बाकर अल बग्दादीको पनि मृत्यु भएको विश्वास गरिएको जनाएको छ।</p>
<p>अब्जरभेटरीका प्रमुख रमी अब्देल रहमानले अमेरिकी नेतृत्वको सैन्य गठबन्धनले गरेको आक्रमणमा परी अतिवादीहरूको समूहका केही नेता र सदस्यहरुको मृत्यु भएको जानकारी दिए।</p>
<p>“बग्दादी मारिएका हुन् वा होइनन् भन्ने बारेमा पुष्टि गर्न सक्ने अवस्थामा छैनौं, तर उनी त्यही क्षेत्रमा लुकेर बसेको आशंका थियो,” उनले भने। (रासस/एएफपी)</p>
प्रतिक्रिया दिनुहोस्
.jpg)
