सिन्धुपाल्चोकको विद्युत् शवस्टेशनमा ट्रान्सफर्मर पड्कियाे
<p>काठमाडौं। नेपाल विद्युत प्राधिकरण सिन्धुपाल्चोक वितरण केन्द्रको लामोसाँघुस्थित शवस्टेशनको विद्युत् ट्रान्सफर्मरमा आगलागी भएको छ।</p>
<p>दिउँसो करिब १ बजे भएको आगलागी एक घण्टापछि नियन्त्रणमा आएको सिन्धुपाल्चोक प्रहरी प्रमुख एसपी प्रज्वल महर्जनले जानकारी दिए।</p>
<p>३३ केभीएको सो ट्रान्सफर्मर एक्कासि पड्किएको थियो। ‘सर्ट सर्किट’ कारण पड्किएको हुन सक्ने आकलन गरिए पनि के कति कारणले आगलागी भयो भन्ने विषयमा अनुसन्धान भइरहेको एसपी महर्जनले बताए।</p>
<p>“नेपाली सेना, नेपाल प्रहरी, सशस्त्र प्रहरी र स्थानीयको सक्रियतामा आगो नियन्त्रणमा लिइएको हो,” महर्जनले भने, “सो ट्रान्सफर्मरबाहेक अन्य ठाउँमा क्षति हुन पाएन।”</p>
<p> </p>
प्रतिक्रिया दिनुहोस्
.jpg)
