मंगल ग्रहमा अन्तरिक्ष यान पठाउँदै यूएई
<p>दुबई। अरब क्षेत्रको पहिलो अन्तरिक्ष मिसन यसै साता प्रक्षेपण हुने भएको छ। संयुक्त अरब इमिरेट्स (यूएई) ले मंगल ग्रहमा अन्तरिक्ष यान पठाउने तयारी गरेको हो।</p>
<p>उक्त अन्तरिक्ष यान ४९ करोड ३० लाख किलोमिटर यात्रा गर्दै मंगल ग्रहमा पुग्‍नेछ। र, त्यहाँको जमिन, मौसम र वायुमण्डलबारे जानकारी पठाउने छ।</p>
<p>बीबीसीका अनुसार मंगल ग्रहको वर्षदिन मानिने ६ सय ८७ दिन यस यानले पर्याप्त तथ्यांक संकलन गर्नेछ।</p>
<p>हिजो परियोजनाबारे जानकारी दिँदै कार्यक्रम निर्देशक सराह अल-अमिरीले यो अन्तरिक्ष मिसन अरब मुलुकका युवा वैज्ञानिकहरूलाई अन्तरिक्ष इन्जिनियरिङमा करिअर खोज्‍ने अवसर भएको बताए।</p>
प्रतिक्रिया दिनुहोस्
.jpg)
