निर्माण उपकरणमाथिकाे आक्रमण नरोकिए आन्दोलनमा जाने महासंघको चेतावनी
<p>काठमाडौं। निर्माण व्यवसायी महासंघले निर्माण उपकरणमाथि हुने भौतिक आक्रमण नरोकिए आन्दोलनमा जाने चेतावनी दिएको छ।</p>
<p>महासंघले देशभर भइरहेको निर्माण कार्य रोकेर आन्दोलनमा जाने चेतावनी दिएको हो।</p>
<p>दाङको गढवा गाउँपालिकामा पार्किङ गरेर राखिएका पाँचवटा स्काभेटरमा अज्ञात समूहबाट आगजनी गरेका थिए।</p>
<p>हिजाे मध्यरातमा भएको आगजनीका कारण चारवटा स्काभेटर जलेर नष्ट भएको र अर्कोमा आंशिक क्षति पुगेको छ।</p>
<p>महासंघले आज विज्ञप्ति जारी गर्दै निर्माण व्यवसायीहरूलाई अज्ञात समूहबाट पटक-पटक हतोत्साहित गर्ने गरी हिंसात्मक घटना भइरहेको बताएको छ। विज्ञप्तिमा भनिएको छ, “निर्माण व्यवसायी र निर्माण उपकरणको सुरक्षालाई लिएर महासंघले पटक/पटक सरोकारवाला सबैको ध्यानाकर्षण गराइरहेको छ। तर, त्यस्ता गतिविधिमा कमी नआउने चिन्ताको विषय हो।”</p>
<p>अज्ञात समूहको आगजनीबाट बा२क ४४८२, बा१क २२७१, बा२क ३१४८, रा१ख ७१३ र एउटा अनटेस्ट स्क्याभेटमा आगजनी गरिँदा करोडौंको क्षति भएको छ।</p>
<p>ती स्काभेटरहरू कल्याणकोट-कालाकाटे गढवा सिक्टा हुलाकी सडक निर्माणमा प्रयोग हुँदै आएका थिए।</p>
प्रतिक्रिया दिनुहोस्
.jpg)
