चक्लेटको भन्सारदर अघिल्ला वर्षहरूकै अवस्थामा ल्याइएको हो : अर्थमन्त्री खतिवडा
<p style="text-align: justify;">काठमाडौं। अर्थमन्त्री डा. युवराज खतिवडाले चक्लेटको भन्सारदर अघिल्ला वर्षहरूकै अवस्थामा ल्याइएको बताएका छन्।</p>
<p style="text-align: justify;">प्रतिनिधि सभामा बजेटमाथि उठेका प्रश्नको जवाफ दिने क्रममा आज अर्थमन्त्री खतिवडाले यस्तो बताएका हुन्।</p>
<p style="text-align: justify;">खासगरी, आर्थिक वर्ष २०७१/७२ देखि २०७४/७५ सम्म चक्लेटको भन्सार दर ३० प्रतिशत कायम थियो।</p>
<p style="text-align: justify;">तर, अर्थमन्त्रालयले चालू आर्थिक वर्षको बजेटमार्फत् १० प्रतिशत भन्सारदर बढाएर ४० प्रतिशत पुर्‍याएको थियो।</p>
<p style="text-align: justify;">त्यसरी भन्सारदर बढाउँदा ५ प्रतिशत अन्तशुल्क र १३ प्रतिशत भ्याट लगाउँदा चक्लेटको कूल कर ६६ प्रतिशत हुन आउँथ्यो।</p>
<p style="text-align: justify;">खाद्यवस्तु भएकाले पुरानै दरमा ल्याउँ भनेर ३० प्रतिशत ल्याएइएको अर्थमन्त्री डा. खतिवडाले बताएका छन्।</p>
<p style="text-align: justify;">जसअनुसार, त्यसमा ५ प्रतिशत अन्तशुल्क र १३ प्रतिशत भ्याट लागेपछि अहिले पनि चक्लेटमा ५४ प्रतिशत कर कायम हुन्छ।</p>
<p style="text-align: justify;">उनले भने, “अघिल्ला अर्थमन्त्रीहरूले पनि चक्लेटको भन्सारदर कायम गर्दा कुनै समूहसँग मिलेर गरे भन्न मिल्छ?”</p>
.jpg)
