लकडाउनयता ठप्प रहेको अर्थतन्त्र आजदेखि चलायमान बन्दै
<p>काठमाडौं। सरकारले ११ चैतमा लकडाउन घोषणा गरेपछि बन्द रहेका व्यापार व्यवसाय आजदेखि निर्वाध सञ्‍चालनमा आउने भएका छन्।</p>
<p>हिजोको मन्त्रिपरिषद् बैठकले लकडाउनलाई व्यवस्थित बनाउने निर्णय गरेसँगै व्यापार व्यवसाय निर्वाध खुल्न पाउने भएका हुन्।</p>
<p>सरकारले आजदेखि जोर बिजोर प्रणालीमा निजी सवारी साधन सञ्‍चालन गर्न दिने भएको छ। ती सवारी साधनमा चालकसहित बढीमा तीनजना चढ्न पाउने छन्।</p>
<p>कृषि, उद्योग, दुग्ध व्यवसाय र अत्यावश्यक वस्तुको ढुवानी यसअघि नै सञ्‍चालनमा छन्।</p>
<p>देशभर साइकल र पैदलयात्रीलाई हिँड्ने दिने निर्णयसमेत भएको छ। यी सबैले स्वास्थ्य सुरक्षाका मापदण्ड भने पुरा गर्नुपर्नेछ।</p>
<p>केही दिनयता साना व्यवसायीले पसल सञ्‍चालन गर्न पाउनुपर्ने माग गर्दै आएका थिए।</p>
<p>सरकारले लकडाउन अवधिमै कर उठाउने निर्णय गरेपछि आफूखुशी पसल खोल्न थालेका व्यवसायीले प्रहरीको हस्तक्षेपछि विरोध प्रदर्शन गर्दै आएका थिए।</p>
<p>आजदेखि पसल खोल्न नदिए देशव्यापी प्रदर्शनमा जाने तयारीसमेत व्यवसायीको थियो।</p>
प्रतिक्रिया दिनुहोस्
.jpg)
