Others

गृहपृष्ठ

लक्ष्मीपूजा गर्ने क्रममा करेन्ट लागेर मृत्यु महोत्तरी। लक्ष्मीपूजा गर्ने क्रममा करेन्ट लागेर जनकपुरमा एक किशोरको मृत्यु भएको छ।  १० कात्तिक साँझ झिलीमिली बत्तीको तार जडान गर्ने क्रममा रामगोपालपुर नगरपालिका–८ टिकुलिया बजारमा प्रवाह भएको विद्युतको झट्काले धनुषाको जनकपुर उपमहानगरपालिका–२१ का  १५ वर्षीय किशोर खगेन्द्र साहको मृत्यु भएको हो।  टिकुलिया बजारस्थित जयमहाराजा ज्वेलर्समा झिलीमिली बत्ती जडान गर्ने क्रममा उनको मृत्यु भएको जिल्ला प्रहरी कार्यालय महोत्तरीका प्रहरी उपरीक्षक श्यामकृष्ण अधिकारीले जानकारी दिए।  बत्ती जडान गर्ने क्रममा मुख्यपोलको तारबाट प्रवाह भएको विद्युतीय झट्काले साहको घटनास्थलमै मृत्यु भएको प्रहरीको भनाई छ। प्रहरीले साहको शव परीक्षणका लागि जनकपुर अञ्चल अस्पतालमा पठाएको छ। -रासस