सप्तरीमा मोटरसाइकल दुर्घटना हुँदा एकजनाको मृत्यु
<p>राजविराज। कञ्चनपुर–फत्तेपुर भित्री सडक खण्डअन्तर्गत सप्तरीको सप्तकोशी नगरपालिका–५ स्थित गङ्गाजली टोलमा आज बिहान भएको मोटरसाइकल दुर्घटनामा परी एकजनाको घटनास्थलमै मृत्यु भएको छ।</p>
<p>मृत्यु हुनेमा सप्तकोशी नगरपालिका–१, नयाँ बजारका ३५ वर्षीय राजेश शर्मा रहेको प्रहरी उपरीक्षक तीलक भारतीले बताए।</p>
<p>कञ्चनपुरबाट फत्तेपुरतर्फ जाँदै गरेको को३३प ५२७ नम्बरको मोटरसाइकल सप्तकोशी नगरपालिका–५, गङ्गाजली टोलमा दुर्घटना भएको थियो।</p>
<p>सोही मोटरसाइकल दुर्घटनामा परी चालक सप्तरीको कञ्चनरुप नगरपालिका–११, ठेलिया बस्ने अन्दाजी २६ वर्षीय दीपेशकुमार गोजेवार घाइते भएका छन्।</p>
<p>दुर्घटनामा परी उनको टाउको फुटेको छ भने शरीरका विभिन्न भागमा चोट लागेको छ।</p>
<p>उनलाई उपचारका लागि स्थानीय पोली क्लिनिक फत्तेपुरमा भर्ना गरिएको छ।</p>
<p>मोटरसाइकललाई प्रहरी चौकी फत्तेपुरले नियन्त्रणमा लिएको इलाका प्रहरी कार्यालय कञ्चनपुरले जनाएको छ। <em>रासस</em></p>
प्रतिक्रिया दिनुहोस्
.jpg)
