सपिङ मल नखोल्ने सरकारको निर्णय व्यवसायीले नमान्ने, भोलिदेखि सबै व्यापारिक कम्प्लेक्स खुल्ने
<p>काठमाडौं। काठमाडौ उपत्यकामा रहेका सपिङ मलहरूले सरकारको निर्णय नमान्‍ने घोषणा गरेका छन्।</p>
<p>सरकारले लकडाउन खुकुलो पार्दै सबै पसल सञ्‍चालन गर्न पाउने भएपनि सपिङ मलहरू तत्काल नखुलाउने बताएको थियो।</p>
<p>२८ जेठको मन्त्रिपरिषद् बैठकले सबै प्रकारका पसलहरू खोल्न दिने तर सपिङ मल तत्काल खोल्न नदिने निर्णय गरेको थियो।</p>
<p>सपिङ मल व्यवसायीहरूले सरकारको निर्णय चित्त नबुझेको बताउँदै १ असारदेखि सपिङ मलहरू पनि सञ्‍चालनमा ल्याउने निर्णय गरेका हुन्।</p>
<p>शुक्रबार काठमाडौंमा बसेको १२ वटा सपिङ मलका व्यवसायीहरूको संगठनको बैठकले सबै सपिङ मलहरू खुला गर्ने एकतर्फी निर्णय गरेको हो।</p>
<p>सिभिल मल व्यवसायी संघका अध्यक्ष रत्‍न घिमिरेले स्वास्थ्य सुरक्षाको मापदण्ड पुरा गरेर मलहरू सञ्‍चालनमा ल्याउने बताए।</p>
<p>बैठकमा सिभिल मल व्यापार संघ, पिपुल्स प्लाजा व्यापार संघ, सिटी सेन्टर व्यापार संघ, ताम्राकार कम्प्लेक्स व्यापार संघ र सञ्‍चयकोष भवनको सहभागिता थियो।</p>
<p>त्यसैगरी, आइप्लेक्स कम्प्लेक्स, आरबी कम्प्लेक्स व्यापार संघ, केएल टावर व्यापार संघ, रञ्‍जना मल व्यापार संघ, लबिम मल, बिजी मल र विशाल बजार व्यापार संघको समेत सहभागिता थियो।</p>
<p>सुरक्षाका दृष्‍टिले पनि सपिङ मलहरू सुरक्षित रहेको व्यवसायीहरूको भनाइ छ।</p>
<p>लकडाउन लम्बिँदै जादा घरभाडा, बैंकको ब्याजदर तथा करसमेत तिर्न नसक्ने अवस्थामा पुगेकाले मलहरू सञ्‍चालन गर्ने निर्णय गरेको घिमिरेले बताए।</p>
प्रतिक्रिया दिनुहोस्
.jpg)
