बन्चराे प्रहारबाट कैलालीमा एककाे मृत्यु
<p>कैलाली। पूर्वी क्षेत्र टीकापुरमा बन्चरो प्रहारबाट एकजनाको मृत्यु भएको छ।</p>
<p>आज दिउँसो छिमेकी खुशीराम चौधरी(२८)ले बन्चरो प्रहार गर्दा टीकापुर नगरपालिका–५, मनिकापुरका मोतिराम चौधरी(३२)काे मृत्यु भएको कैलाली प्रहरी प्रवक्ता डीएसपी दक्षकुमार बस्नेतले जानकारी दिए।</p>
<p>टाउकोमा बन्चरो प्रहारबाट गम्भीर घाइते चौधरीलाई तत्काल उपचारका लागि टीकापुर अस्पताल पुर्‍याइएको भए पनि उनको मृत्यु भएको डिएसपी बस्नेतले बताए।</p>
<p>बन्चरो प्रहार गर्ने खुशीराम लगत्तै फरार छन्।</p>
<p>सामान्य विवादमा मोतिरामलाई बन्चरो प्रहार गरेको बुझिएको प्रहरीले जनाएको छ।</p>
<p>फरार खुशीरामको खोजी कार्य भइरहेको डीएसपी बस्नेतले जानकारी दिए।</p>
प्रतिक्रिया दिनुहोस्
.jpg)
