एमसीसीबारे छलफल गर्न नेकपा सचिवालयको बैठक बस्दै
<p>काठमाडौं। सत्तारुढ दल नेपाल कम्युनिष्ट पार्टी(नेकपा)को सचिवालय बैठक आज बस्दैछ। एमसीसीका बारेमा छलफल गर्न आज अपराह्न सचिवालय बैठक बस्‍न लागेको हो।</p>
<p>नेकपाका महासचिव विष्णु पौडेलले प्रधानमन्त्री निवास बालुवाटारमा अपराह्न बैठक बस्‍ने तय भएको जानकारी दिए। यद्यपि बैठकको समय तय भइसकेको छैन।</p>
<p>यसअघि २७ जेठमा एमसीसी परियोजनाका बारेमा छलफल गर्न बैठक बस्‍ने तय भएको थियो। तर संसदमा बजेटका विषयमा जवाफ दिने कार्यक्रम नसकिएको र प्रधानमन्त्रीको पनि व्यस्तताका कारण बैठक स्थगित भएको थियो।</p>
<p>आजको बैठकमा अन्य अजेण्डाका बारेमा यकिन नभइसके पनि एमसीसीका बारेमा नै छलफल हुने बुझिएको छ। सत्तारुढ दलभित्र लामो समयदेखि एमसीसी पारित गर्न नहुने दबाब छ।</p>
<p>नेकपाले एमसीसीका बारेमा वरिष्‍ठ नेता झलनाथ खनालको संयोजकत्वमा एक कार्यदल बनाएको थियो। उक्त कार्यदलले पनि अहिलेको अवस्थामा नै एमसीसी लागू गर्न नसकिने प्रतिवेदन पार्टीअध्यक्षद्वयलाई बुझाइसकेको छ।</p>
प्रतिक्रिया दिनुहोस्
.jpg)
