सातै प्रदेशको बजेट आज सार्वजनिक हुँदै, स्वास्थ, कृषि र रोजगारीसँगै स्थानीय पूर्वाधार प्राथमिकता
<p>काठमाडौं। आज सातवटै प्रदेश सरकारले आर्थिक वर्ष ०७७/७८ को बजेट सार्वजनिक गर्ने भएका छन्। </p>
<p>संवैधानिक प्रावधान अनुसार प्रदेश सरकारहरुले १० असार भित्र आउँदो आर्थिक वर्षको बजेट सार्वजनिक गर्नुपर्छ।</p>
<p>केन्द्र सरकारले १५ जेठमा आगामी आर्थिक वर्षको लागि बजेट सार्वजनिक गरिसकेको छ।</p>
<p>केन्द्र सरकारको जस्तै आगामी आर्थिक वर्षको लागि प्रदेश सरकारहरूले पनि स्वास्थ, कृषि, रोजगारी र आर्थिर्थिक पुनरुत्थानलाई बजेटको मूख्य प्राथमिकतामा राखेका छन्।</p>
<p>कोभिड–१९ महामारी नियन्त्रण, रोकथाम र उपचारमा सहयोग पुग्‍ने गरी बजेटका कार्यक्रम तय भएको प्रदेश सरकारका आर्थिक मामिला तथा योजना मन्त्रीहरुले बताएका छन्।</p>
<p>कोरोना महामारीले अर्थतन्त्रमा पारेको प्रभावको कारण प्रदेश सरकारलाई पनि बजेटको स्रोत व्यवस्थापन गर्न समस्या परेको कारण चालू आर्थिक वर्षको तुलनामा आगामी बजेटको आकार धेरैजसो प्रदेशले घटाउने भएका छन्। </p>
<p>प्रदेश सरकारको बजेटमा स्वास्थ्यसँगै कृषि, पर्यटन, सडक, खानेपानी जस्ता विषय पनि प्राथमिकताका साथ बजेटमा समेट्न लागिएको प्रदेश सरकारका अधिकारीहरुले बताएका छन्।</p>
<p>प्रदेश सरकारहरूले नीति तथा कार्यक्रम ल्याउँदा नै स्थानीय पूर्वाधार विकासका कार्यक्रमलाई विशेष प्राथमिकतामा राखेका छन्।</p>
प्रतिक्रिया दिनुहोस्
.jpg)
