मिथिलामा छठको चहलपहल
<p>महोत्तरी। मिथिला क्षेत्रमा छठ पर्वको चहलपहल शुरु भएको छ। </p>
<p>महोत्तरीको नगर क्षेत्र र साप्ताहिक हटियामा माटाका भाँडा, बाँसका कप्टेरा र चोयाले बनेका सामान तथा केराका घरी राखिएको छ।</p>
<p>छठ पर्वमा दियो, दही जमाउने भाँडा, कलश, ढकना र तौलासहितका भाँडा माटोकै प्रयोग गर्ने परम्परा छ।</p>
<p>त्यसैगरी बाँसको कप्टेरा र चोयाले बनेका नयाँ छिटी, नाङ्लो, चाल्नो, पङ्खासहितका सामग्री प्रगोग गरिन्छ।</p>
<p>मिथिला क्षेत्रमा जताततै केराको घरीको बिक्री बढेको छ। </p>
<p>छठमा व्रतालु र भाकल गर्नेले केराको घरी चढाउने अनिवार्य परम्परा छ।</p>
<p>कात्तिक शुक्ल चौथीका दिन शुरु भएर सप्तमीको दिन बिहान सम्पन्न गरिने छठ सूर्य उपाशनाको पर्व हो।</p>
<p>छठ पर्वमा व्रत लिने मात्र नभएर परिवारका, नातागोताका र छरछिमेकका सबै परिचालित हुने हुँदा यो पर्व मिथिला लोकसंस्कृतिको साझा र मूख्य पर्व बनेको छ।</p>
<p>अहिले मिथिलामा सबैतिर सूर्य उपाशनाका गीत गुञ्जिरहेका छन्। <em>रासस</em></p>
प्रतिक्रिया दिनुहोस्
.jpg)
