Others

गृहपृष्ठ

स्वास्थ्यमा समस्या देखिएपछि प्रधानमन्त्री ओलीलाई ग्राण्डी लगियो काठमाडौं। प्रधानमन्त्री केपी शर्मा ओलीलाई उपचारका लागि ग्राण्डी अस्पताल लगिएको छ। प्रधानमन्त्री ओलीकाे स्वास्थ्यमा समस्या देखिएपछि जाँचका लागि धापासीस्थित ग्राण्डी इन्टरनेशनल अस्पताल लगिएको हाे।  ग्राण्डी अस्पतालका निर्देशक चक्रराज पाण्डेले देखापढीसँग प्रधानमन्त्रीलाई अस्पताल ल्याइएकाे बताए।   प्रधानमन्त्री ओलीका प्रेस सल्लाहाकार डा&zwj;. कुन्दन अर्यालले प्रधानमन्त्रीकाे नियमित स्वास्थ्य जाँचका लागि अस्पताल लगिएकाे देखपढीलाई बताए। उनले भने, "कुनै ठूलाे समस्या आएकाे हाेइन, नियमित जाँचका लागि अस्पताल लगिएकाे हाे, केहीबेरमै फर्कनुहुन्छ।"  १२ वर्षअघि मृगौला प्रत्यारोपण गरिएका प्रधानमन्त्री ओलीले नियमति स्वास्थ्य जाँच गराउँदै आएका छन् । उनलाई चिकित्सकहरूले पर्याप्त समय आराम गर्न सल्लाह दिँदै आएका छन्।  प्रधानमन्त्री ओलीकाे दुई महिना पहिले सिङ्गापुरमा प्लाज्माफेरेसिसको माध्यमबाट शरीरमा जम्मा भएको एन्टिबडी नष्ट गरिएको थियो । २० भदाैमा सिङ्गापुरबाट फर्किएका ओलीले त्यसपछि चिनियाँ राष्ट्रपति सी चिनफिङलाई नेपालमा स्वागत गरे भने हालै असंलग्न राष्ट्रहरूकाे १८ औ&zwnj;ं शिखर सम्मेलनमा भाग लिन अजरबैजानकाे भ्रमण गरे। त्यसबाहेक यही समयमा परेका ठूला चाडपर्वहरूलेसमेत उनकाे धपेडी बढाएकाे थियाे ।