खुम्बु भ्रमणमा पुगेका पर्यटकको मृत्यु
<p>सोलुखुम्बु। खुम्बु क्षेत्रको भ्रमणमा पुगेका एक विदेशी पर्यटकको सुतेको ठाउँमा मृत्यु भएको छ।</p>
<p>खुम्बु पासाङ ल्हामु गाउँपालिका–४ लबुचेमा बेलायती नागरिक केलीनु जोसेफको मृत्यु भएको सोलुखुम्बु प्रहरीले जनाएको छ। </p>
<p>१२ कात्तिक बिहान होटलमा सुतिरहेकै अवस्थामा ५४ वर्षीय जोसेफको मृत्यु भएको जिल्ला प्रहरी कार्यालय सोलुखुम्बुका प्रहरी निरीक्षक उत्तम कार्कीले जानकारी दिए। </p>
<p>उनका अनुसार मृत्युको कारण भने खुल्न सकेको छैन। शवको कानूनी प्रक्रिया पूरा गरी हेलिकप्टरमार्फत काठमाडौं पठाइएको प्रहरीले जनाएको छ ।<em> –रासस </em><br />
</p>
प्रतिक्रिया दिनुहोस्
.jpg)
