जुवाडेकाे बन्दी प्रत्यक्षीकरण रीटकाे आज सुनुवाइ हुँदै
<p>काठमाडौं। महाराजगञ्ज क्षेत्रबाट जुवाखालबाट पक्राउ परेका २५ जुवाडेमध्ये ६ जनालाई सर्वोच्च अदालत उपस्थित गराइएको छ।</p>
<p>१० कात्तिकमा गैरकानूनी रूपमा थुनामा राखिएको भन्दै बन्दी प्रत्यक्षीकरणको रीट दायर भएपछि सुनुवाइका लागि अदालतमा उपस्थित गराइएको हो।</p>
<p>सर्वोच्चले १० कात्तिकमा नै २४ घन्टाभित्र अदालतमा उपस्थित गराउन प्रहरीलाई आदेश गरेको थियो। तर, ११ कात्तिकमा ढिलो गरी मात्रै अदालत लगेपछि उक्त मुद्दा ‘हेर्दाहेर्दैमा’ राखिएको थियो।</p>
<p>तिहार बिदाको समयमा सर्वोच्च अदालतका न्यायाधीश पुरुषोत्तम भण्डारीलाई बन्दी प्रत्यक्षीकरण रीटको सुनुवाइका लागि तोकिएको थियो। </p>
<p>६ जनालाई नै प्रहरीले आज सुनुवाइका लागि अदालतमा उपस्थित गराएको सर्वोच्च अदालतका सूचना अधिकारी देवेन्द्र ढकालले जानकारी दिए। उनले आजै सुनुवाइ हुने बताए।</p>
<p>ढकालका अनुसार बन्दी प्रत्यक्षीकरणको रीट दायर गर्नेमा बलराम सापकोटा (बले), पवनकुमार गुप्ता, पवित्रकुमार कार्की, श्रवणकुमार गोयल, विक्रम गौतम र मुक्ति लामा छन्। </p>
<p>प्रहरीले १० कात्तिक बिहान महाराजगञ्जको पीपलमार्गबाट २५ जना जुवाडेलाई नियन्त्रणमा लिएको थियो।</p>
<p>प्रहरीले उनीहरूको साथबाट दुई करोड ६७ लाख रुपैयाँ नगद, तीन लाख रुपैयाँ बराबरको बैंक चेक, कौडा र चेक बूक बरामद गरेको थियो।</p>
<p><strong>पढ्नुहाेस् </strong></p>
<p><strong><a href="https://www.dekhapadhi.com/news/1500">जुवाको खालबाट साढे दुई करोडसहित पक्राउ परेका ६ जनालाई उपस्थित गराउन सर्वोच्चको आदेश</a></strong></p>
<p><strong><a href="https://dekhapadhi.com/news/1463">महाराजगन्जस्थित जुवाघरमा छापा : २ करोड ६७ लाख बरामद, २५ जना पक्राउ (नामसहित)</a></strong></p>
<p> </p>
प्रतिक्रिया दिनुहोस्
.jpg)
