भोजपुरमा २४६३ घर पुनर्निर्माण
<p>भोजपुर। भूकम्पका कारण पूर्णक्षती भएका दुई हजार ४६३ घर पुनर्निर्माण गरिएको छ।</p>
<p>पूर्णक्षती पाँच हजार ७४९ घरमध्ये हालसम्म दुई हजार ४६३ घर पुनःनिर्माण भइसकेको राष्‍ट्रिय पुनर्निर्माण प्राधिकरण जिल्ला आयोजना कार्यान्वयन एकाइका प्रमुख राजनराज रेड्डीले बताए।</p>
<p>१२ बैशाख २०७२ को पाँच हजार १९१ जनाले पहिलो र तीन हजार ८२१ जनाले दोस्रो किस्ताको रकम लिएका छन्। </p>
<p>राष्ट्रिय पुनःनिर्माण प्राधिकरणको ३१ जेठको निर्णयअनुसार यही कात्तिक मसान्तसम्म दोस्रो किस्ता र आउँदो माघ मसान्तसम्म तेस्रो किस्ता रकम लिइसक्नुपर्ने छ।</p>
<p>तोकिएको समयमा तेस्रो किस्ता नलिए पहिलो र दोस्रो किस्ताबापतको रकम फिर्ता गर्नुपर्ने छ। </p>
<p>जिल्लामा प्रवलीकरणतर्फ परेका ४५३ निवेदनमध्ये २६६ जनाले पहिलो किस्ता रकम लिएका छन्। <em>रासस</em> <br />
</p>
प्रतिक्रिया दिनुहोस्
.jpg)
