सरकारले तोक्यो धानको समर्थन मूल्य, कृषकलाई २० प्रतिशत नाफा सुनिश्चित
<p style="text-align: justify;">काठमाडौं। सरकारले रोपाइँअघि नै धानको समर्थन मूल्य तोकेको छ। २ असारमा बसेको मन्त्रिपरिषद्को बैठकले धानको समर्थन मूल्य तोकेको हो।</p>
<p style="text-align: justify;">मन्त्रिपरिषद्को बैठकले मोटा धानको मूल्य प्रति क्विन्टल दुई हजार ७३५ रूपैयाँ र मध्यम धानको मूल्य प्रति क्विन्टल दुई हजार ८८५ रूपैयाँ तोकेको छ।</p>
<p style="text-align: justify;">उद्योग वाणिज्य तथा आपूर्ति मन्त्रालयले सरकारले नीति तथा कार्यक्रममा बाली लगाउनु पूर्व नै धानको समर्थन मूल्य तोकिएको बताएको छ।</p>
<p style="text-align: justify;">आगामी वर्षको नीति तथा कार्यक्रममा बाली लगाउनु अघि नै प्रमुख खाद्यान्न बालिको समर्थन मूल्य तोक्ने व्यवस्थाअनुसार निर्णय गरेको बताइएको छ।</p>
<p style="text-align: justify;">कृषि तथा पशुपन्छी विकास मन्त्रालयको सिफारिसमा उद्योग मन्त्रालयले पेश भएको प्रस्तावका आधारमा समर्थन मूल्य तोकिएको हो।</p>
<p style="text-align: justify;">समर्थन मूल्य तोक्दा उत्पादन लागतमा कृषकको २० प्रतिशत मुनाफा र १० प्रतिशत ढुवानी खर्च सुनिश्चित गरिएको उद्योग मन्त्रालयका प्रवक्ता प्रकाश दाहालले बताए।</p>
.jpg)
