सर्वाेच्चले छाडेन जुवाडे, भन्याे- सबैलाई एकैपटक हाजिर गराउनू
<p>काठमाडौं। महाराजगञ्ज क्षेत्रबाट जुवाखालबाट पक्राउ परेकामध्ये ६ जनाले दायर गरेको बन्दी प्रत्यक्षीकरणको रीटमा अदालतले सबैलाई म्याद तामेल गरेर हाजिर गराउन आदेश दिएको छ।</p>
<p>न्यायाधीश पुरुषोत्तम भण्डारीको एकल इजलासले बन्दी प्रत्यक्षीकरणको निवेदन दिएका सबैलाई म्याद तामेल गरेर पुनः हाजिर गराउन आदेश गरेको हो।</p>
<p>१० कात्तिक बिहान पक्राउ परेका २५ जना मध्ये ६ जनाले सोही दिन रिट दायर गरेका थिए। पक्राउ परेका मध्ये थप ८ जनाले रीट दायर गरेपछि अदालतले एकै पटक म्याद तामेल गरेर अदालतमा उपस्थित गराउन प्रहरीलाई आदेश गरेको हो।</p>
<p>महानगरीय प्रहरी वृत्त महाराजगञ्जका प्रमुख डीएसपी उमेश लम्सालले १४ जनालाई नै भोलि पुनः अदालतमा उपस्थित गराइने बताए। “आज पनि ८ जनाले बन्दी प्रत्यक्षीकरणको निवेदन दिएपछि एकै साथ उपस्थित गराउन आदेश भएको छ,” उनले भने, “सबैलाई भोलि अदालत लगिनेछ।”</p>
<p>आज शम्भु बुढाथोकी, होमप्रसाद चौलागाई, साङगे शेर्पा र ग्यालजे लामाको बन्दी प्रत्यक्षीकरण निवेदन परेको हो। यसअघि ११ कात्तिकमा ईन्द्र श्रेष्ठ, प्रेम थापामगर, रामकृष्ण श्रेष्ठ र अशोक श्रेष्ठको निवेदन परेको थियो।</p>
<p>महानगरीय प्रहरी वृत्त महाराजगञ्जको टोलीले ९ कात्तिक राति २५ जुवाडेलाई दुई करोड ६७ लाख रुपैयाँ नगदसहित पक्राउ गरेको थियो।</p>
<p>जुवाको खालबाट ठूलो मात्रामा रकम बरामद भएको यो पहिलो पटक हो।</p>
<p>सर्वोच्चले १० कात्तिकमा नै २४ घन्टाभित्र अदालतमा उपस्थित गराउन प्रहरीलाई आदेश गरेको थियो। तर, ११ कात्तिकमा ढिलो गरी मात्रै अदालत लगेपछि उक्त मुद्दा ‘हेर्दाहेर्दैमा’ राखिएको थियो।</p>
प्रतिक्रिया दिनुहोस्
.jpg)
