चौधरी मृत्यु प्रकरणः महेन्द्रनगरमा चारजना पक्राउ
<p>कञ्चनपुर। कञ्चनपुरको भीमदत्त नगरपालिका–४, भाँसीका २२ वर्षीय अजय चौधरीको मृत्यु प्रकरणबारे प्रहरीले अनुसन्धानको प्रक्रिया अगाडि बढाएको छ।</p>
<p>११ कात्तिक साँझ महेन्द्रनगर बजारमा रहेको पुष्पाञ्जली गेष्ट हाउसको पाँचौं तलाबाट खसेर चौधरीको मृत्यु भएको थियो।</p>
<p>अनुसन्धानका लागि चौधरीसँगै गेष्ट हाउसमा रहेका विनोद खत्री, रमेश भट्ट, गेष्ट हाउसका सञ्चालकसहित एकजना युवतीलाई नियन्त्रणमा लिई सोधपुछको कार्य भइरहेको जिल्ला प्रहरी कार्यालय कञ्चनपुरका प्रहरी नायव उपरीक्षक नरेन्द्र चन्दले बताए।</p>
<p>“मृतकको शव परीक्षणको प्रतिवेदन अझै आएको छैन,” उनले भने, “शव परीक्षणको प्रतिवेदनका आधारमा कारबाही प्रक्रिया अगाडि बढाइनेछ।”</p>
<p>चौधरीेको गेष्ट हाउसको छतबाट खसेर मृत्यु भएको हो वा हत्या भएको भन्नेबारे अनुसन्धानपछि जानकारी हुने उनले बताए।</p>
<p>११ कात्तिक राति ९ बजे घरमा रहेका चौधरीलाई गेष्ट हाउसबाट फोन आएपछि छिट्टै घर फर्कने भन्दै गएका थिए। त्यसको दुई घण्टापछि मृत्युको खबर आएकाे चौधरीका परिवारजनले जनाएको छ। <em>रासस</em></p>
प्रतिक्रिया दिनुहोस्
.jpg)
