‘प्रधानमन्त्रीकाे स्वास्थ्य अवस्था सामान्य, भाेलिसम्ममा डिस्चार्ज’
<p>काठमाडौं । नियमित उपचार तथा स्वास्थ्य परीक्षणका लागि ग्राण्डी अस्पताल पुगेका प्रधानमन्त्री केपी शर्मा ओली भोलिसम्ममा डिस्चार्ज हुने अस्पतालले जनाएको छ। </p>
<p>धापासीस्थित ग्राण्डी इन्टरनेशनल हस्पिटलले आज एक प्रेश वक्तव्य जारी गर्दै प्रधानमन्त्री ओलीको स्वास्थ्य अवस्था सामान्य रहेको उल्लेख गरेको छ ।</p>
<p>प्रधानमन्त्री ओलीकी निजी चिकित्सक तथा ग्राण्डी अस्पतालको नेफ्रोलोजी तथा ट्रान्सप्लान्ट मेडिसिन विभागकी अध्यक्ष प्रा.डा. दिव्यासिंह शाह र अस्पतालका मेडिकल डाइरेक्टर डा. चक्रराज पाण्डेले जारी गरेको वक्तव्यमा आज १३ कात्तिकमा प्रधानमन्त्री ग्रान्डी अस्पतालमा भर्ना भएको जनाइएको छ । </p>
<p>प्रधानमन्त्री ओलीको स्वास्थ्य स्थिति सामान्य रहेको भन्दै वक्तव्यमा आवश्यक परीक्षण पूरा भएपछि आज राति वा भोलिसम्ममा डिस्चार्ज गरिने उल्लेख गरिएको छ । </p>
<p style="text-align:center"><img alt="" height="734" src="https://www.dekhapadhi.com/storage/photos/shares/Health/Grandi press release.jpg" width="448" /></p>
<p> </p>
प्रतिक्रिया दिनुहोस्
.jpg)
