आईसीटी अवार्ड २०२० को अनलाइन नोमिनेसन शुरू
<p>काठमाडौं। सूचना प्रविधि क्षेत्रको आईसीटी अवार्डको पाँचौं संस्करणको अनलाइन नोमिनेसन आजदेखि शुरु भएको छ।</p>
<p>लिभिङ विथ आईसीटीको आयोजना र विभिन्न सरकारी तथा निजी संस्थाहरूको सहकार्यमा आयोजना हुने आईसीटी अवार्ड २०२० को अनलाइन आवेदन खुला गरिएको हो।</p>
<p>आजदेखि खुला गरिएको अवार्डको आवेदन १६ साउनसम्म गर्न सकिनेछ।</p>
<p>कोरोनाको प्रभाव र महामारीको कारण यस वर्षको आईसीटी अवार्ड ढिलो गरी हुने भएको छ।</p>
<p>यस वर्ष विभिन्न ११ विधामा आईसीटी अवार्ड आयोजना हुनेछ।</p>
<p>स्टार्टअप आईसीटी अवार्ड, प्रडक्ट आईसीटी अवार्ड, राइजिङ स्टुडेन्ट आईसीटी अवार्ड विधाहरू इन्नोभेसन, प्रडक्ट र स्टार्टअपसँग सम्बन्धित अवार्ड विधाहरू हुन्।</p>
<p>यसैगरी पायोनियर आईसीटी अवार्ड, नेपाली डायस्पोरा आईसीटी अवार्ड, आन्टरप्रेनर आईसीटी र मिडिया पर्सन आईसीटी अवार्ड व्यक्तिलाई प्रदान गरिने अवार्डका विधाहरू छन्।</p>
<p>डिजिटल गभर्नेन्स आईसीटी अवार्ड सरकारी संस्था र डिजिटल एजुकेशन आईसीटी अवार्ड सामुदायिक शैक्षिक संस्थाहरूलाई प्रदान गरिने अवार्ड विधाहरू छन्।</p>
<p>सन् २०१६ देखि शुरू भएको आईसीटी अवार्डमा विभिन्न विधामा गरेर अहिलेसम्म ३० बढी व्यक्ति, संस्था, कम्पनी तथा प्रोडक्टहरू सम्मानित भइसकेका छन्।</p>
प्रतिक्रिया दिनुहोस्
.jpg)
