कपिलवस्तुको कृष्णनगरमा कर्फ्यु, गोली लागेर एक जनाको मृत्यु (अपडेट)
<p>काठमाडौं। जिल्ला प्रशासन कार्यालय कपिलवस्तुले जिल्लाको कृष्णनगर क्षेत्रमा आज बिहानदेखि कर्फ्यु लगाएको छ।</p>
<p>कृष्णनगर नगरपालिकाको बजारक्षेत्रमा लक्ष्मी पूजाको मूर्ति विसर्जनको विषयलाई लिएर तनाव भएपछि प्रशासनले बिहान ११ बजेदेखि अर्को आदेश जारी नभएसम्मका लागि भन्दै कर्फ्यु लगाएको हो ।</p>
<p>१३ कात्तिक साँझ स्थानीयबीच विवाद बढेपछि प्रहरीले लाठी चार्ज र अश्रु ग्याँस प्रहार गरेको थियो। कृष्णनगर बजार आज बिहानैदेखि तनावग्रस्त भएको छ।</p>
<p>विवादको क्रममा प्रहरीको गोली लागेर स्थानीय २० वर्षीय सुरजकुमार पाण्डेको मृत्यु भएको स्थानीय पत्रकार गोपाल भण्डारीले जनाएका छन्। </p>
<p>प्रमुख जिल्ला अधिकारी गजेन्द्रबहादुर श्रेष्ठले सूचना जारी गरी कृष्णनगर भन्सार कार्यालयदेखि उत्तरतर्फ ७०० मिटर, पश्चिमतर्फ ७०० र पूर्वतर्फ ३०० मिटर क्षेत्रभित्र आज कर्फ्यु आदेश जारी गरिएको जनाएका हुन् । </p>
<p>साथै कर्फ्यु अवज्ञा गरिएको पाइएमा कानून बमोजिम कारवाही हुने पनि सूचनामा उल्लेख गरिएको छ ।</p>
<p><br />
</p>
प्रतिक्रिया दिनुहोस्
.jpg)
