नागरिकतासम्बन्धी ल्याइएको प्रावधानले भारतसँग सम्बन्ध बिग्रन्छ भन्नुको तुक छैन : बेदुराम भुषाल
<p>काठमाडौं। सत्तारुढ दल नेकपाका राष्ट्रियसभा सदस्य डा. बेदुराम भुषालले नागरिकतासम्बन्धी ल्याइएको प्रावधानलाई भारतसँग मात्रै जोडेर ल्याइएको भन्दै गरिएका टिप्पणीमा कुनै तुक नरहेको बताएका छन्।</p>
<p>राष्ट्रियसभाको आजको बैठकको विशेष समयमा बोल्दै उनले अहिले ल्याउन लागिएको प्रावधानले सम्बन्ध बिग्रन्छ भन्ने कुरा निराधार र कपोलकल्पित तर्क रहेको बताए। </p>
<p>भारतको चंगुलमा बस्नुपर्ने भन्ने खालका अभिव्यक्ति दिने काम भइरहेको भन्दै उनले आफ्नो देशको कानुन बनाउने अधिकारमा अन्य क्षेत्रसँग जोडेर हेर्ने कुरा नभएको बताए।<br />
<br />
“नागरिकतालगायतका सवालमा उठाइएका विषयमा किन भारतसँग जोडेर प्रस्तुत गर्ने काम गरिन्छ,” उनले भने, “यो त भारतका लागि मात्रै बनाउन लागिएको कानुन त होइन यसले समग्र विदेशी नागरिकसँग जोडिएको विषय हो।”<br />
<br />
भारतको नागरिकता कानुन पनि हेर्न उनले सबैलाई आग्रह गरे। “त्यहाँ पनि विदेशी नागरिकसँग विवाह गरेमा ७ वर्षपछि मात्रै नागरिकता दिने भन्ने उल्लेख छ,” उनले भने, “हामीले के फरक गरेका छौं र? उस्तै हो यसमा किन धेरै विवाद र विचार राख्नुपर्‍याे।”</p>
<p>यो कानुन बन्दा भारतसँगको सम्बन्ध अझ विहार र युपीसँग सम्बन्ध विच्छेद हुने भन्ने कुरा उठाइएको भन्दै उनले भारतसँग मात्रै जोडेर हेर्न नमिल्ने बताए।</p>
प्रतिक्रिया दिनुहोस्
.jpg)
