प्रधानमन्त्री ओलीलाई भेट्न ग्रान्डी पुगे नेकपा अध्यक्ष दाहाल (अपडेट)
<p>काठमाडौं। ग्रान्डी इन्टरनेशनल अस्पताल धापासीमा उपचाररत प्रधानमन्त्री तथा नेकपाका अध्यक्ष केपी शर्मा ओलीलाई नेकपाका अर्का अध्यक्ष पुष्पकमल दाहालले भेटेका छन्।</p>
<p>भेटपछि सञ्चारकर्मीहरूलाई प्रतिक्रिया दिँदै दाहालले प्रधानमन्त्रीको स्वास्थ्य अवस्था सामान्य रहेको बताए। “उहाँ (ओली)को स्वास्थ्य अवस्था सामान्य छ, भर्खरै डाइलासिस भएको छ, एकैछिन रेष्ट गरेपछि आज बालुवाटार जानुहुन्छ,” उनले भने।</p>
<p>आजै डिस्चार्ज हुने चिकित्सकले बताएको उनको भनाइ छ।</p>
<p>दाहालका अनुसार भेटमा प्रधानमन्त्री ओलीले समस्या छिटोछिटो देखा परेको तर, अहिले भने ठीक भएको बताए।</p>
<p>१३ कात्तिकमा अस्पताल भर्ना भएका ओलीलाई उपप्रधान तथा रक्षामन्त्री ईश्वर पाेखरेलले हिजो र आज बिहान अस्पताल पुगेर भेटेका थिए।</p>
<p>आज दिउँसो प्रधानमन्त्रीलाई भेट्न अस्पताल पुगेका नेकपा प्रवक्ता नारायणकाजी श्रेष्ठ र अर्का नेता भीम रावलले भने प्रधानमन्त्रीकाे उपचार भइरहेकाले भेट्न पाएनन्।</p>
<p style="text-align:center"><img alt="" height="1233" src="https://www.dekhapadhi.com/storage/photos/shares/Health/pushpa_kamal_dahal2.jpg" width="1752" /></p>
<p> </p>
<p>अस्पतालले १३ कात्तिक साँझ वक्तव्य निकालेर प्रधानमन्त्री नियमित उपचार र स्वास्थ परीक्षणका लागि अस्पताल भर्ना भएको तथा उनको स्वास्थ्य अवस्था सामान्य रहेको उल्लेख गरेको थियो।</p>
<p>त्यसपछि आज भने अस्पतालले प्रधानमन्त्रीको उपचारबारे कुनै सूचना सार्वजनिक गरेको छैन। </p>
<p><strong>पढ्नुहाेस्</strong></p>
<p><a href="https://dekhapadhi.com/news/1600" target="_blank">प्रधानमन्त्री ओलीलाई भेट्न ग्रान्डी पुगे श्रेष्ठ र रावल (भिडिओ)</a></p>
<p><a href="https://dekhapadhi.com/news/1574" target="_blank">‘प्रधानमन्त्रीकाे स्वास्थ्य अवस्था सामान्य, भाेलिसम्ममा डिस्चार्ज’</a></p>
<p><a href="https://dekhapadhi.com/news/1556" target="_blank">प्रधानमन्त्री ओलीको ग्राण्डी अस्पतालमा स्वास्थ्य परीक्षण हुँदै</a></p>
<p><a href="https://www.dekhapadhi.com/news/1549">स्वास्थ्यमा समस्या देखिएपछि प्रधानमन्त्री ओलीलाई ग्राण्डी लगियो</a></p>
प्रतिक्रिया दिनुहोस्
.jpg)
