नेकपा स्थायी कमिटी बैठकमा आज दुई अध्यक्षले मात्र सम्बोधन गर्ने
<p>काठमाडौं। सत्तारुढ दल नेपाल कम्युनिष्ट पार्टीको स्थायी कमिटी बैठक आज ११ बजेदेखि बस्दैछ। </p>
<p>प्रधानमन्त्री निवास बालुवाटारमा बैठक तय गरिएपनि अहिलेसम्म बैठकका अजेण्डा नटुंगिएको एक सदस्यले बताएका छन्। </p>
<p>"अध्यक्षद्वयले राजनीतिक प्रतिवेदन पेश गरेपछि सकिनेछ", स्रोतले भन्यो। </p>
<p>हिजो, ९ असारमा आजको बैठकको अजेण्डाका बारेमा छलफल गर्न बालुवाटारमा दुई अध्यक्षबीच करीब साढे दुई घण्टा छलफल भएको थियो।</p>
<p>नेकपाभित्र एमसीसी विषयको बहस तीब्र विवादमा छ। एमसीसीबारे छलफल गर्न भनी यसअघि २७ जेठ र ३२ जेठमा बोलाइएको सचिवालय बैठक पनि स्थगित भएको थियो।</p>
<p>त्यस्तै दुईपटक स्थायी समितिको बैठक बोलाए पनि बस्दै नबसेर स्थगित भइसकेको छ। </p>
<p>२० जना स्थायी समिति सदस्यहरूले लिखितरूपमा नै बैठक राख्नुपर्ने माग गरेपछि २४ वैशाखका लागि बैठक बोलाइएको थियो। तर, अन्तिम समयमा आएर स्थगित भएको थियो।</p>
प्रतिक्रिया दिनुहोस्
.jpg)
