६० हजार रूपैयाँ घुससहित प्रहरी नायब निरीक्षक पक्राउ
<p>काठमाडौं। बाराको प्रहरी चौकी गञ्जभवानीपुरमा कार्यरत प्रहरी नायब निरीक्षक जटाशंकरप्रसाद कलवारलाई अख्तियार दुरूपयोग अनुसन्धान आयोगले ६० हजार रूपैयाँ घुससहित पक्राउ गरेको छ।</p>
<p>भारतबाट मालसामान ल्याउन सहज गराइदिने भनी सेवाग्राहीसँग रकम मागेको भन्ने उजुरीपछि आज आयोगको हेटौंडा कार्यालयबाट पुगेको टोलीले कलवारलाई पक्राउ गरेको हो। </p>
<p>उनलाई कलैया उपमहानगरपालिका–४ स्थित, श्रीराम खाद्य उद्योग अगाडिबाट घुसवापत लिएको रकमसहित पक्राउ गरिएको आयोगका केन्द्रीय प्रवक्ता प्रदीपकुमार कोइरालाले जनाएका छन्।</p>
प्रतिक्रिया दिनुहोस्
.jpg)
