सत्तारूढ दल नेकपाको स्थायी कमिटी बैठक शुरू
<p>काठमाडौं। सत्तारूढ दल नेपाल कम्युनिष्ट पार्टी (नेकपा)को स्थायी कमिटी बैठक शुरू भएकाे छ। प्रधानमन्त्री निवास बालुवाटारमा बैठक चलिरहेकाे छ। </p>
<p>बैठकमा अध्यक्षद्वय केपी शर्मा ओली र पुष्पकमल दाहालले राजनीतिक प्रतिवेदन पेश गर्ने बताइएकाे छ। "अध्यक्षद्वयले राजनीतिक प्रतिवेदन पेश गरेपछि बैठक सकिनेछ," स्रोतले भन्यो। </p>
<p>हिजो, ९ असारमा आजको बैठकको अजेण्डाका बारेमा छलफल गर्न बालुवाटारमा दुई अध्यक्षबीच करीब साढे दुई घण्टा छलफल भएको थियो।</p>
<blockquote>
<p>नेकपाभित्र एमसीसी विषयको बहस तीब्र विवादमा छ। एमसीसीबारे छलफल गर्न भनी यसअघि २७ जेठ र ३२ जेठमा बोलाइएको सचिवालय बैठक स्थगित भएको थियो।</p>
</blockquote>
<p>नेकपाभित्र एमसीसी विषयको बहस तीब्र विवादमा छ। एमसीसीबारे छलफल गर्न भनी यसअघि २७ जेठ र ३२ जेठमा बोलाइएको सचिवालय बैठक पनि स्थगित भएको थियो।</p>
<p>त्यस्तै दुईपटक स्थायी समितिको बैठक बोलाए पनि बस्दै नबसेर स्थगित भइसकेको छ। </p>
<p>२० जना स्थायी समिति सदस्यहरूले लिखितरूपमा नै बैठक राख्नुपर्ने माग गरेपछि २४ वैशाखका लागि बैठक बोलाइएको थियो। तर, अन्तिम समयमा आएर स्थगित भएको थियो।</p>
प्रतिक्रिया दिनुहोस्
.jpg)
