Others

गृहपृष्ठ

वीरगन्ज महानगरपालिकाले ल्यायाे पाैने चार अर्बको बजेट वीरगन्ज। वीरगन्ज महानगरपालिकाले आर्थिक वर्ष २०७७/७८ का लागि पाैने चार अर्ब रूपैयाँकाे बजेट सार्वजनिक गरेकाे छ। नगरपालिकाकाे आज सम्पन्न सातौँ नगरसभामा तीन अर्ब ८६ करोड ५१ लाख ९० हजार रूपैयाँको अनुमानित आयव्यय प्रस्तुत गरिएको हाे।  प्रस्तुत बजेटमा चालुतर्फ एक अर्ब ६२ करोड ६९ लाख १८ हजार, पुँजीगततर्फ दुई अर्ब १७ करोड ४६ लाख ७२ हजार र वित्तीय व्यवस्थातर्फ ६ करोड ३६ लाख रूपैयाँ खर्च हुने अनुमान गरिएको छ।  कूल खर्चमध्ये आर्थिक विकासतर्फ २५ करोड ९५ लाख २५ हजार, सामाजिक विकासतर्फ ८७ करोड ७७ लाख ३६ हजार, पूर्वाधार विकासतर्फ एक अर्ब ७७ करोड ६ लाख १२ हजार, सुशासन तथा अन्तरसम्बन्धी- वन, वातावरण तथा विपत्समेततर्फ २३ करोड ७५ लाख १६ हजार र कार्यालयतर्फ ७१ करोड ९८ लाख एक हजार रूपैयाँ खर्चको अनुमान प्रस्तुत गरिएको छ। रासस