काठमाडौंको लप्सेफेदीमा बस दुर्घटना, तीनजनाको मृत्यु
<p>काठमाडौं। काठमाडौंको लप्सेफेदीमा बस दुर्घटना हुँदा तीनजनाको घटनास्थलमै मृत्यु भएको छ। </p>
<p>सिन्धुपाल्चोकबाट काठमाडौं आउँदै गरेको आमा ह्योल्मो यातायातकाे बा ५ ख ५०७० नम्बरको बस दुर्घटना हुँदा थप २० जनाभन्दा बढी घाइते भएका छन्। बस ओरालोमा अनियन्त्रित भई बस सडक छेउको मन्दिरमा ठोक्किएर सडकमा पल्टिएको थियो।</p>
<p>मृतकमध्ये दुईजनाको शव गाडीले च्यापिएको अवस्थामा रहेको घटनास्थलमा खटिएका महानगरीय प्रहरी वृत्त बौद्धका डीएसपी रमेशबहादुर सिंहले <em>देखापढी</em>लाई जानकारी दिए। गाडीले च्यापेको शव स्काभेटरले निकाल्ने प्रयास भइरहेको उनले जनाए।</p>
<p>दुर्घटनामा घाइते भएकाहरुलाई उद्धार गरि उपचारका लागि अस्पताल पठाइएको डीएसपी सिंहले बताए।</p>
<p>घाइतेहरुको नेपाल मेडिकल कलेज जोरपाटी, उत्तरखेल र शङ्खरापुर अस्पतालमा उपचार भइरहेको छ।</p>
प्रतिक्रिया दिनुहोस्
.jpg)
