प्रधानमन्त्री ओली अस्पतालबाट ‘डिस्चार्ज’
<p>काठमाडौं। हिँजाेदेखि ग्रान्डी अस्पतालमा उपचाररत प्रधानमन्त्री केपी शर्मा ओलीलाई अस्पतालले 'डिस्चार्ज' गरेकाे छ। </p>
<p>१३ कात्तिकदेखि ग्रान्डी इन्टरनेशनल हस्पिटलमा उपचाररत प्रधानमन्त्री ओलीलाई आज डायलासिसपछि अस्पतालले डिस्चार्ज गरेकाे हाे। </p>
<p>अस्पतालले आज साँझ वक्तव्य सार्वजनिक गर्दै प्रधानमन्त्री ओलीको हेमोडायलसिस गरिएको जनाएको छ। नियमित उपचार र स्वास्थ्य परीक्षणका लागि अस्पताल भर्ना भएको उल्लेख गरिएको वक्तव्यमा प्रधानमन्त्रीको स्वास्थ्य अवस्था सामान्य रहेको उल्लेख छ। </p>
<p>त्यसअघि ग्रान्डी अन्तर्राष्ट्रिय अस्पतालका निर्देशक चक्रराज पाण्डेले पत्रकार सम्मेलन गर्दै प्रधानमन्त्री ओली आज फर्किने जानकारी दिएका थिए।</p>
<p>डा. पाण्डेले प्रधानमन्त्री ओलीको थप उपचारबारे निजी चिकित्सकले तय गर्ने बताएका छन्। </p>
<p style="text-align:center"><img alt="" height="1365" src="https://www.dekhapadhi.com/storage/photos/shares/Politics/pm-oli-discharge-1.jpg" width="2048" /></p>
<p>उपचारको विस्तृत विवरण सार्वजनिक गर्ने वा नगर्ने बिरामीको वैयक्तिक विषय भएको भन्दै रगत लगायतका अन्य परिक्षणको रिपोर्टबारे भन्न नमिल्ने डा. पाण्डेले पत्रकार सम्मेलनमा उल्लेख गरेका थिए।</p>
<p>प्रधानमन्त्री ओलीलाई भेट्न आजै नेपाल कम्युनिष्ट पार्टी (नेकपा) का अध्यक्ष पुष्पकमल दाहाल र उप–प्रधान तथा रक्षामन्त्री ईश्वर पोखरेल छुट्टाछुट्टै समयमा अस्पताल पुगेर प्रधानमन्त्री ओलीलाई भेटेका थिए।</p>
<p>नेकपा प्रवक्ता नारायणकाजी श्रेष्ठ र स्थायी समिति सदस्य भीम रावल प्रधानमन्त्रीलाई भेट्न अस्पताल पुगे पनि भेट हुन भने सकेको थिएन। दुवै नेता अस्पताल पुग्दा प्रधानमन्त्री ओलीको डायलासिस चलिरहेकाले उनीहरू दुवैले भेट गर्न नपाएका हुन्।</p>
<p>१२ वर्षअघि मृगौला प्रत्यारोपण गरेका प्रधानमन्त्री ओलीले नियमित स्वास्थ्य जाँच गराउँदै आएका छन्। उनलाई चिकित्सकहरूले प्रर्याप्त समय आराम गर्न सल्लाह दिँदै आएका छन्।</p>
<p>प्रधानमन्त्री ओलीको दुई महीना पहिले सिङ्गापुरमा प्लाज्माफोरेसिसको माध्यमबाट शरीरमा जम्मा भएको एन्टिबडी नष्ट गरिएको थियो।</p>
<p><strong>पढ्नुहाेस्ः</strong></p>
<p><strong><a href="https://dekhapadhi.com/news/1608" target="_blank">प्रधानमन्त्री ओली आजै निवास फर्कनुहुन्छ: डा. पाण्डे (अस्पतालकाे वक्तव्यसहित)</a></strong></p>
<p><a href="https://dekhapadhi.com/news/1604" target="_blank"><strong>प्रधानमन्त्री एकैछिनकाे आरामपछि बालुवाटार जानुहुन्छः दाहाल (भिडिओसहित)</strong></a></p>
<p><a href="http://https://dekhapadhi.com/news/1601" target="_blank"><strong>प्रधानमन्त्री ओलीलाई भेट्न ग्रान्डी पुगे नेकपा अध्यक्ष दाहाल (अपडेट) </strong></a></p>
<p><strong><a href="https://dekhapadhi.com/news/1600" target="_blank">प्रधानमन्त्री ओलीलाई भेट्न ग्रान्डी पुगे श्रेष्ठ र रावल (भिडिओ)</a></strong></p>
<p><strong><a href="https://dekhapadhi.com/news/1574" target="_blank">‘प्रधानमन्त्रीकाे स्वास्थ्य अवस्था सामान्य, भाेलिसम्ममा डिस्चार्ज’</a></strong></p>
<p><strong><a href="https://dekhapadhi.com/news/1556" target="_blank">प्रधानमन्त्री ओलीको ग्राण्डी अस्पतालमा स्वास्थ्य परीक्षण हुँदै</a></strong></p>
प्रतिक्रिया दिनुहोस्
.jpg)
