नेपाली सेनाकाे सैन्य ट्रान्सपोर्ट बिमान आइपुग्दै
<p>काठमाडौं । नेपाली सेनाले २ वर्षअघि खरिद प्रक्रिया अगाडि बढाएको सैन्य ट्रान्सपोर्ट एयरक्राफ्ट सीएन २३५–२२० विमान १६ कात्तिकमा नेपाल आइपुग्ने भएको छ ।</p>
<p>सो बिमान १३ कात्तिकमा हुसेन सास्त्रानेगारा एयरबेसबाट काठमाडौंका लागि उडेको नेपाली सेनाले जनाएको छ ।</p>
<p>“बुधवार हामीलाई हस्तान्तरण गरिएको थियो, शनिबार यहाँ पुग्दैछ,” नेपाली सेनाका प्रवक्ता सहायक रथी विज्ञानदेव पाण्डेले देखापढीलाई भने,“यहाँ ल्याइसकेपछि सेनाका चालकदलका सदस्यले परीक्षण उडान गर्नेछन्।” </p>
<p>त्यहाँको सरकारी कम्पनी पीटी डिरागान्तारा इन्डोनेसियाले निर्माण गरेको उक्त विमान त्यहाँकै चालकदलका सदस्यहरुले उडान भरेर ल्याउन लागेको उनले बताए ।</p>
<p>नेपाली सेनाले ३० जुन २०१७ मा<strong><a href="https://en.antaranews.com/news/135591/ptdi-delivers-cn235-220-military-transport-aircraft-to-nepal"><span style="color:#e74c3c;"> ३० मिलियन अमेरिकी डलर</span></a></strong> (करीब ३ अर्ब ३० करोड रूपैयाँ) मा उक्त बिमान खरीदको सम्झौता गरेको थियो ।</p>
<p>“यो विमान आएपछि विपद् व्यवस्थापनमा निकै सहज हुनेछ,” प्रवक्ता पाण्डेले भने,“आवश्यकता अनुसार अन्य काममा पनि उपयोग गर्न सकिने छ ।” </p>
<p>सामान ढुवानी, कार्गो, प्याराट्रूप, भीभीआईपी र भीआइपी उडानका लागिसमेत प्रयोगमा ल्याउन सकिने उनले बताए ।</p>
प्रतिक्रिया दिनुहोस्
.jpg)
