भारतमा नेपाली मजदूरको सामूहिक हत्या आरोपितलाई १४ दिन थुनामा राख्न आदेश
<p>काठमाडौं। भारतको पिथौरागढमा काकासहित तीन नेपाली मजदूरको हत्या गरेको आरोपमा पक्राउ परेका बैतडीको पुरचौडी नगरपालिका- ५ का धनबहादुर बोहरालाई जिल्ला न्यायालय पिथौरागढले १४ दिन हिरासतमा राख्‍न अनुमति दिएको छ । </p>
<p>हिजो जिल्ला न्यायालयबाट हिरासतमा राख्ने आदेश पाएपछि बोहरामाथि थप अनुसन्धान शुरु भएको भारतीय प्रहरीले जनाएको छ।</p>
<p>भारतीय प्रहरीले बोहरालाई पिथौरागढदेखि १२० किलोमीटर टाढा मुन्स्यारि क्षेत्रबाट ११ कात्तिकमा पक्राउ गरेको थियो। धनबहादुर मृतक हरिश बोहराका भतिजा हुन्। </p>
<p>विवादपछि नशाको सुरमा धारिलो हतियार प्रयोग गरेर हत्या गरेको धनबहादुरले प्रहरीसमक्ष स्वीकारेका छन्। </p>
<p>९ कात्तिक राति पिथौरागढको मडधुरा गाउँमा पुरचौडी नगरपालिका- ५ दहतोलिका हरिश बोहरा, उनका सहोदर भाइ वीरा बोहरा र पुरचौडी नगरपालिका-४ भटना तडीखेतका काशी बोहराको हत्या भएको थियो।</p>
<p>पढ्नुहोस्:</p>
<p><a href="https://dekhapadhi.com/news/1579" target="_blank">पिथौरागढमा तीन नेपाली हत्या आरोपमा मृतकका भतिजा पक्राउ</a></p>
<p><a href="https://dekhapadhi.com/news/1516" target="_blank">भारतमा तीन नेपाली मजदूरको हत्यापछि गाउँ नै शोकमग्न</a></p>
<p><a href="https://dekhapadhi.com/news/1489" target="_blank">भारतमा तीन नेपाली मजदूरको हत्या</a></p>
<p> </p>
प्रतिक्रिया दिनुहोस्
.jpg)
