इमर्जिङ टीम्स एशिया कपमा यस्तो छ नेपालसँग खेल्ने भारतीय टोली
<p>काठमाडौं। १२ नोभेम्बरदेखि बंगलादेशमा हुने एसीसी इमर्जिङ एशिया कपका लागि भारतीय टोली घोषणा भएको छ। टोलीमा कुलदीप यादवसहित इन्डियन प्रिमियर लिग (आईपीएल) खेलेका खेलाडी छन्।</p>
<p>कुलदीपले भारतका लागि तीन वटै फर्म्याटमा खेलिसकेका छन्।</p>
<p>भारतीय टिममा आईपीएल खेलेका कुलदीप यादव र अर्शदीप सिंह रहेका छन्। यस्तै आईपीएलमा लागि छनोट भए पनि चोटका कारण खेल्न नपाएका कमलेश नगरकोटी पनि टिममा छन्।</p>
<p>भारतले विभिन्न प्रदेशबाट 'फस्ट क्लास' क्रिकेट खेलिसकेका खेलाडी समेटेर टोली तयार पारेको हो।</p>
<p>भारत रहेको समूह बी मा नेपाल, बंगलादेश र हङकङ छन्। नेपाली टोली घोषणा हुन बाँकी छ। युएईले अन्तिम समयमा नखेल्ने बताएपछि नेपालले मौका पाएको हो। </p>
<p>नेपाल र भारतबीच १४ नोभेम्बरमा पहिलो खेल हुनेछ।</p>
<p><strong>यस्ताे छ भारतीय टोली</strong><br />
विनायक गुप्ता, चिन्मे सुतार, यस राथोड, अर्मान जफर, कुमार सुरज, सनभिर सिंह, सिद्धार्थ दासई, रितिक शोकिन, शिवम दुबे, सराथ बीआर, अर्यान जुयाल, कमलेस नगरकोटी, अर्शदीप सिंह, कुलदीप यादव र पी रेखाडे । </p>
प्रतिक्रिया दिनुहोस्
.jpg)
