Others

गृहपृष्ठ

लालबन्दीमा देखियो सलह कीरा <p>सर्लाही। जिल्लाको लालबन्दीमा सलह कीरा भित्रिएको पाइएको छ। लालबन्दी नगरपालिका-२ को तेलबाली अनुसन्धान केन्द्रको फर्ममा करिब एक हजारको हाराहारीमा सो कीरा भित्रिएको जिल्ला कृषि ज्ञान केन्द्र मलंगवाका निमित्त प्रमुख देवानन्द राय यादवले जानकारी दिए।</p> <p>जिल्लाको  लालबन्दी नगरपालिका-२ स्थित तेलबाली अनुसन्धान कार्यक्रममा लगाइएको विभिन्न बालीमा सलह कीराको प्रवेश देखिएको हो। “आज बिहान फिल्ड भिजिट गर्ने क्रममा बदाम, घैँचा, धानको बेर्नालगायतमा सलह कीराले झ्याप्पै छोपेको देखियो,” तेलबाली अनुसन्धान कार्यक्रमका संयोजक वरिष्ठ वैज्ञानिक डा. विशेश्वरप्रसाद यादवले जानकारी दिए। सलह कीरा हजारौंको सङ्ख्यामा रहेको उनले बताए।</p> <p>“शुक्रबार राति छिमेकी देश भारतबाट करिब एक हजार फट्यांग्राजस्तो देखिने जातको सलह नामक कीरा नेपाल प्रवेश गरेको बुझिएको,” उनले भने। सलह देखिएसँगै जिल्लाका किसान चिन्तित बनेका छन्।</p> <blockquote> <p><strong>जेठदेखि असोजसम्म बढी प्रकोप हुने सलह कीरा एकै दिनमा १५० किलोमिटरभन्दा टाढासम्म पुगेर बालीनालीमा क्षति पुर्&zwj;याउने विज्ञले बताएका छन्।</strong></p> </blockquote> <p>फट्यांग्र वर्गको कीरामा पर्ने सलह अफ्रिकी मुलुकबाट अरेबियन देश हुँदै एसियाको इरान, अफगानिस्तान, पाकिस्तान र भारतसम्म आइपुगेको थियो। नेपालमा पहिलोपटक शनिबार बिहान सलह कीरा देखिएको  केन्द्रले जनाएको छ।</p> <div class="widget-news"> <div class="white-background-news"> <div class="title-2">सिफारिस</div> <div class="news-snippet"><a class="img-holder sm" href="/news/16352" target="_blank" title="नेपाल आइपुग्यो सलह"><img alt="" src="https://www.dekhapadhi.com/uploads/posts/1593241328.salaha-in-bara-nepal.jpg" /></a> <div class="details"> <h5 class="title"><a href="/news/16352" target="_blank">नेपाल आइपुग्यो सलह</a></h5> </div> </div> </div> </div> <p>सलह कीराले  बालीमा अमेरिकी फौजी कीराले भन्दा अनेकौ गुना बढी क्षति पुर्&zwj;याउने जानकारले बताएका छन्। विज्ञका अनुसार करोडौंको सङ्ख्यामा रहने सलहले हरियो वनस्पतिलाई छोटो समयमा पात र डाँठसमेत खाएर नष्ट पारिदिन्छ। जेठदेखि असोजसम्म बढी प्रकोप हुने सलह कीरा एकै दिनमा १५० किलोमिटरभन्दा टाढासम्म पुगेर बालीनालीमा क्षति पुर्&zwj;याउने विज्ञले बताएका छन्।</p> <p>प्राविधिक टोली खटिएको छ, त्यसको क्षतिको प्रकृति जातलगायतका बारेमा चाँडै पत्ता लगाइने उनले बताए। सलह कीराको जातको पहिचान र व्यवस्थापन लगायतका काममा प्राविधिक टोली परिचालन भएको जनाएको छ। <em>रासस</em></p>