सुत्केरीको मृत्युपछि विराट नर्सिङ होममा प्रदर्शन
<p>विराटनगर। विराटनगरको विराट नर्सिङ होममा सुत्केरीको ज्यान गएपछि आफन्तले अस्पतालमा नाराबाजी गर्दै प्रदर्शन गरेका छन्।</p>
<p>सुनसरीको दुहवी नगरपालिका–८ रनी गाउँकी २० वर्षीय रमिला कार्की घिमिरेको हिजो साँझ ७ बजे उपचारको क्रममा नर्सिङ होममा मृत्यु भएको थियो।</p>
<p>सामान्य अवस्थामा सुत्केरी भएकी कार्कीको अत्याधिक रक्तश्राव भएपछि चिकित्सकले शल्यक्रिया गरेर पाठेघर फ्याँक्न सुझाव दिएको मृतकका बुवा रणबहादुर कार्कीले बताए।</p>
<p>शल्यक्रियालगत्तै स्वास्थ्यमा जटिलता थपिएपछि उनलाई भेन्टिलेटरमा लगेर उपचार थालिएको थियो। नवजात शिशुको पनि मृत्यु भइसकेको छ।</p>
<p>आफन्त र परिवारका सदस्यले भने चिकित्सकको लापरबाहीले सुत्केरीको मृत्यु भएको भन्दै दोषीलाई कारबाहीको माग राखेर शव बुझ्‍न मानेका छैनन्।</p>
<p>उनीहरुले घटनाको अस्पतालबाहिर प्रदर्शन र नारावाजी गरिरहेका छन्। </p>
<p>मोरङ प्रहरीका डीएसपी घनश्याम श्रेष्ठले अस्पतालको सुरक्षाको लागि सो क्षेत्रमा प्रहरी परिचालन गरिएको बताएका छन्। </p>
<p>अस्पतालका सञ्चालक डा. ज्ञानेन्द्रमान सिंह कार्कीले चिकित्सकले उपचार र शल्यक्रियामा कुनै गल्ती नगरेको दाबी गरे।<br />
</p>
प्रतिक्रिया दिनुहोस्
.jpg)
