प्रदेश २ मा सलह कीरा प्रवेशबारे अध्ययन शुरू
<p>जनकपुरधाम। प्रदेश २ का विभिन्न जिल्लामा सलह कीरा देखिएको सन्दर्भमा प्रदेशका कृषि वैज्ञानिकहरूले अध्ययन शुरू गरेका छन्।</p>
<p>भूमि व्यवस्था कृषि तथा सहकारी राज्यमन्त्री योगेन्द्र राय यादवका अनुसार प्रादेशिक कृषि निर्देशनालयका निर्देशक रतनकुमार झाको नेतृत्वमा कृषि वैज्ञानिकको टोलीले कीरा प्रवेशका सन्दर्भमा अध्ययन शुरू गरेका हुन्। </p>
<p>कृषि वैज्ञानिकहरू सर्लाही जिल्लाको तेलबाली अनुसन्धान केन्द्रमा बसी अध्ययन गरिरहेकाे जनाइएको छ।</p>
<p>राज्यमन्त्री यादवले आज बिहान प्रदेशका विभिन्न जिल्लामा बथानमा देखिएको कीरा सलह नै भएको पुष्टि भएकाले यसबारे गहन अध्ययन र निरूपणबारे कृषि वैज्ञानिकहरूले कार्य प्रारम्भ गरेकाे बताए। </p>
<p>वैज्ञानिकहरूले कीराको प्रवेश नाका, संख्या र नियन्त्रणका आधार पहिल्याउनेबारे अनुसन्धानसमेत शुरू गर्नुभएको बताइएको छ। <em>रासस</em></p>
प्रतिक्रिया दिनुहोस्
.jpg)
