चोरीमा संलग्न भारतीय नागरिक पक्राउ
<p>काठमााडौं। झापा प्रहरीले श्रृंखलावद्ध चोरीमा संलग्न एकजना भारतीय नागरिकलाई पक्राउ गरेको छ। १३ कात्तिक दिउँसो कमल गाउँपालिका- ६ स्थाई घर भई हाल विर्तामोड नगरपालिका–पाँच डेरा गरी बस्ने ललिता सापकोटा, गिता पौडेल र मधु गुप्ताको कोठामा चोरी गरेको आरोपमा भारत सिलगुढीका रघुबर प्रसाद साह पक्राउ परेका हुन्।</p>
<p>साहको साथबाट चोरी गरेका सुनचाँदीका विभिन्न गहना, ३८ हजार नेपाली, १३ हजार सात सय भारतीय रूपैयाँ र उनले प्रयोग गरेको डब्लूबी७४एएम२७२४ नम्बरको भारतीय कार बरामद गरिएको झापा प्रहरी प्रमुख एसपी दिनेशराज मैनालीले <em>देखापढी</em>लाई जानकारी दिए।</p>
<p>उनका अुनसार साहले १३ कात्तिकमा नै भन्सार कार्यालय काँकडभिट्टाबाट गाडी प्रवेश अनुमति पत्र लिएका थिए। </p>
<p>चोर्नकै लागि कार चढेर आउने गरेका साहले पहिले घरको रेकी गर्ने र कोही नभएको मौकामा चोरी गर्ने गरेको प्रहरीले जनाएको छ। उनले झापा, मोरङ र सुनसरी जिल्लालाई लक्षित गरी चोरीको योजना बनाएको प्रहरीको दाबी छ। प्रहरीका अुनसार पक्राउ परेका साहले चोरी गरेको स्वीकारीसकेका छन्।</p>
<div style="text-align:center">
<figure class="image" style="display:inline-block"><img alt="" height="640" src="https://www.dekhapadhi.com/storage/photos/shares/Crime/car.jpg" width="960" />
<figcaption>चोरीमा संलग्न साहले प्रयोग गरेको कार</figcaption>
</figure>
</div>
<p>“घरको रेकी गरेर फर्केपछि एक/डेढ सय मिटर टाढै कार राख्ने र त्यसपछि मात्र चोरीमा संलग्न हुने गरेको भेटियो”, एसपी मैनालीले भने, “चोरीपश्चात् सैलुनमा पुगेर दाह्री, कपाल मिलाउने र मसाज समेत गरेर फर्किने गरेको देखिन्छ।”</p>
<p>उनी एक्लै चोरीमा संलग्न छन् वा सहयोगी पनि छन् भन्ने विषयमा अनुसन्धान भइरहेको प्रहरीले जनाएको छ। पक्राउ परेका साहमाथि जिल्ला अदालत झापाबाट चोरी मुद्धामा ६ दिनको म्याद थपेर अनुसन्धान भइरहेको छ।</p>
<div style="text-align:center">
<figure class="image" style="display:inline-block"><img alt="साहबाट बरामद सामान" height="1280" src="https://www.dekhapadhi.com/storage/photos/shares/Crime/Jhapa-chori-saman-baramad.jpg" width="1920" />
<figcaption>साहबाट बरामद सामान</figcaption>
</figure>
</div>
<p> </p>
प्रतिक्रिया दिनुहोस्
.jpg)
