राजस्थानबाट कराेडाैंकाे संख्यामा नेपाल आउँदैछन् सलह
<p style="text-align: justify;">काठमाडौं। नेपाल प्रवेश गरिसकेको सलहको संख्या सानो भए पनि भारतको राजस्थानबाट नेपालतर्फ ठूलो संख्यामा सलह कीरा उडेको छ।</p>
<p style="text-align: justify;">राजस्थानबाट उडान भरेको सलह कीरा दिल्लीतर्फ लागेकाे कृषि तथा पशुपन्छी विकास मन्त्रालयले जानकारी दिएको छ।</p>
<p style="text-align: justify;">सलह कीरासम्बन्धी अध्ययन गर्न गठित प्राविधिक समितिका संयोजक सहदेवप्रसाद हुमागाईले करोडौंको संख्यामा रहेका सलह कीरा दिल्लीतर्फ लागेकाे बताए।</p>
<p style="text-align: justify;">प्लान्ट क्वारेन्टाइन तथा विषादी व्यवस्थापन केन्द्रका प्रमुख समेत रहेका उनले राजस्थानबाट नेपालतर्फ उडेको सलह नेपाल आइपुगे ठूलो क्षति हुने जानकारी दिए।</p>
<p style="text-align: justify;">उनले भने, “अहिले आएका सलहको संख्या लाखौंमा पनि छैन। तर, नेपालतर्फ अगाडि बढिरहेको झुण्ड तितरबितर नभई नेपाल आइपुगे ठूलो क्षति गर्छ।”</p>
<p style="text-align: justify;">तर, भारतले उक्त झुण्डलाई तितरबितर गर्ने प्रयास गरिरहेको छ। भारतले उतै रोक्न सकेमा वा दिशा परिवर्तन गर्न सकेमा नेपाल आई नपुग्ने सम्भावना छ।</p>
<p style="text-align: justify;">हुमागाईका अनुसार दिल्लीसम्म पनि नआइपुगेको झुण्ड दिल्लीसम्म पनि आउन नदिने तयारी भारतले गरेको छ।</p>
<p style="text-align: justify;">यद्यपि, उक्त संख्याको सलह नेपाल आउनेबारे सचेत रहेको र त्यसको व्यवस्थापनका लागि तयारी अवस्थामा रहेको उनको भनाइ छ।</p>
<p style="text-align: justify;">यसका साथै अबको एक/दुई दिनमा हावाले दिशा परिवर्तन गर्ने भएकाले नेपालसम्म नआउँदै दिशा परिवर्तन हुन सक्ने अनुमान कृषि मन्त्रालयको छ।</p>
.jpg)
