भारतको राजधानीमा स्वास्थ्य संकटकाल
<p>काठमाडौं। भारतमा पाँच दिनका लागि स्वास्थ्य संकटकाल घोषणा गरिएको छ।</p>
<p>भारतको सर्वोच्च अदालतबाट अनुमति लिएर एक कार्यदलले स्वास्थ्य संकटकाल लागू गरेको भारतीय सञ्चारमाध्यमले जानकारी दिएका छन्। </p>
<p>दिल्ली क्षेत्रका धेरै स्थानमा वायुको गुणस्तर सूचक ५ सय माइक्रोग्राम प्रतिघनमिटर नाघेपछि त्यहाँ स्वास्थ्य संकटकाल लागू गरिएको हो। उक्त निर्णयसँगै दिल्लीका मुख्यमन्त्री अरविन्द केजरीवालले नोभेम्बर पाँचसम्मका लागि दिल्लीका सबै विद्यालय बन्द गर्न निर्देशन दिएका छन्।</p>
<p>वायु प्रदुषण नियन्त्रण गर्न ५ नोभेम्बरसम्मका लागि दिल्ली आसपासका सबै क्षेत्रमा हुँदै आएका निर्माण सम्बन्धी कार्य गर्न पनि रोक्ने निर्देशन दिइएको समाचारमा जनाइएको छ। <br />
</p>
प्रतिक्रिया दिनुहोस्
.jpg)
