चक्कु प्रहारबाट घाइतेको उपचारका क्रममा मृत्यु
<p>सुर्खेत। १२ कात्तिकमा भाइटीकाकै दिन चक्कु प्रहारबाट गम्भीर घाइते वीरेन्द्रनगर नगरपालिका–१० का ३० वर्षीय चन्दन रानाको उपचारका क्रममा मृत्यु भएको छ।</p>
<p>रानाको उपचारका क्रममा हिजाे राति भारतको लखनउमा मृत्यु भएको जिल्ला प्रहरी कार्यालयका प्रवक्ता एवं प्रहरी नायब उपरीक्षक रवि रावलले जानकारी दिए। </p>
<p>सुर्खेत दीपनगरमा भैली खेलिरहेका समयमा सोही वडा निवासी २९ वर्षीय निर्मल सोनी, १९ वर्षीय केशव खनाल र २२ वर्षीय प्रेम गुरुङले पछाडिबाट टाउकोमा चक्कु प्रहार गरी गम्भीर घाइते बनाएको उनले बताए।</p>
<p>प्रवक्ता रावलका अनुसार घाइते रानालाई उपचारका लागि कर्णाली प्रदेश अस्पताल सुर्खेत लगिए पनि अस्पतालले नेपालगञ्ज सिफारिस गरेको थियो।</p>
<p>नेपालगञ्ज पनि उपचार हुन नसकेपछि रानाका आफन्तले थप उपचारका लागि लखनउ लगेका थिए।</p>
<p>रानालाई चक्कु प्रहार गर्ने खनाल र गुरुङलाई प्रहरीले पक्राउ गरिसकेको छ।</p>
<p>प्रहरीका अनुसार फरार सोनीको खोजतलास कार्यलाई तीव्र बनाइएको छ। <em>रासस</em></p>
प्रतिक्रिया दिनुहोस्
.jpg)
