छठको अवसरमा प्रधानमन्त्री ओलीको शुभकामना
<p>काठमाडौं। प्रधानमन्त्री केपी शर्मा ओलीले छठ पर्वले मानवीय भावनालाई अझ व्यापक बनाउने बताएका छन्। </p>
<p>उदाउँदो र अस्ताउँदो सूर्यलाई अर्घ दिई मनाइने छठ पर्वको अवसरमा शुभकामना व्यक्त गर्दै प्रधानमन्त्री ओलीले छठलाई कृतज्ञता, प्रकाश र जीवनको चाड भएको बताएका हुन्।</p>
<p>प्रधानमन्त्रीले छठ पर्वले मानव जीवनलाई सुख–समृद्धितर्फ लैजान उत्प्रेरित गर्ने बताएका छन्। यो पर्वमा भगवानको रूपमा पूजा गरिने सूर्यलाई नवग्रहकै उत्पत्तिकर्ता, सृष्टिकै उत्पन्नकर्ता तथा आदिदेवको रूपमा सम्झना गरिने उल्लेख गरेका छन्।</p>
<p>उनले स्वेदश तथा विदेशमा बसेर छठ मनाउने सबैप्रति सुस्वास्थ्य, दीर्घायू र उत्तरोत्तर प्रगतिको शुभकामना व्यक्त गरेका छन्।<br />
</p>
प्रतिक्रिया दिनुहोस्
.jpg)
