उप–निर्वाचनमा कांग्रेस उम्मेद्वार चयन गर्ने जिम्मा पदाधिकारीलाई
<p> </p>
<p>काठमाडौँ। नेपाली कांग्रेसले १४ मंसीरमा हुन उप–निर्वाचनमा उम्मेद्वार चयन गर्ने जिम्मा पदाधिकारीलाई दिएको छ ।</p>
<p>आज बसेको केन्द्रीय कार्यसमितिको बैठकले प्रतिनिधिसभा र प्रदेशसभाको उप–निर्वाचन उम्मेद्वार चयनको जिम्मा पदाधिकारीलाई दिने निर्णय गरेको हो ।</p>
<p>कांग्रेसले पदाधिकारी बैठकमा नेताहरू रामचन्द्र पौडेल र कृष्णप्रसाद सिटौलालाई आमन्त्रित सदस्यको रूपमा निमन्त्रणा गर्नेछ ।</p>
<p>१४ मंसिरमा कास्की–२ मा प्रतिनिधिसभाको र दाङ, बागलुङ तथा भक्तपुरमा प्रदेशसभाको निर्वाचन हुँदैछ।</p>
<p>केन्द्रीय कार्यसमितिको बैठकले धरान उपमहानगरपालिकाको मेयरमा तिलक राईलाई उम्मेद्वार बनाउने निर्णय गरेको प्रवक्ता विश्वप्रकाश शर्माले जानकारी दिए ।</p>
प्रतिक्रिया दिनुहोस्
.jpg)
