हात्ती धपाउन राखिएको तारमा करेन्ट लागेर मामा-भान्जाको मृत्यु
<p>झापा। झापाको बुद्धशान्ति गाउँपालिका–४ मा हात्ती धपाउन राखिएको विद्युतीय तारमा करेन्ट लागेर आज बिहान मामा र भान्जाको मृत्यु भएको छ।</p>
<p>जिल्ला प्रहरी कार्यालय झापाका प्रवक्ता महेन्द्रकुमार श्रेष्ठका अनुसार मृत्यु हुनेमा बुद्धशान्ति–४ का १८ वर्षीय अविनाश राई र उनका मामा भोजपुर निवासी ३५ वर्षीय मनिराम राई रहेका छन्। </p>
<p>दुवै जनालाई आज बिहान ७ बजे नवज्योति सामुदायिक वनभित्रको खोल्सीमा स्थानीयवासीले मृत अवस्थामा भेटेका हुन्।</p>
<p>माछा मार्न गएका दुवैजना विद्युतीय करेन्ट प्रवाह भएको तारमा परेको प्रहरीको भनाइ छ। <em>रासस</em></p>
प्रतिक्रिया दिनुहोस्
.jpg)
