डोटीमा बस दुर्घटना हुँदा एकजनाको मृत्यु, ३६ घाइते
<p>बाजुरा। कञ्चनपुरको महेन्द्रनगरबाट बाजुराको मार्तडीका लागि छुटेकाे बस डोटीमा दुर्घटना भएको छ।</p>
<p>डोटीको शिखर नगरपालिका–१ भागेश्वर मन्दिर नजिक गेरुपानी भन्ने ठाउँमा महाकाली यातायातको ना ७ ख ६१८१ नम्बरको बस आज बिहान दुर्घटना हुँदा एक जनाको मृत्यु भएको छ।</p>
<p>मृत्यु हुनेमा बाजुरा बूढीगङ्गा नगरपालिका–६ बाह्रबिसका ५१ वर्षीय नयाँ सेराला रहेका छन् भने ३६ जना घाइते भएका छन् । </p>
<p>घाइते सबैको अहिले शैलेश्वरी अस्पतालमा उपचार भइरहेको जिल्ला प्रहरी कार्यालय डोटीका प्रहरी उपरीक्षक दिलीपसिंह देउवाले जानकारी दिए। आज बिहान ५ बजे दुर्घटना भएको बस सडकबाट करीब ५० मिटर तल खसेको प्रहरीले जनाएको छ। <em>–रासस </em><br />
</p>
प्रतिक्रिया दिनुहोस्
.jpg)
