डोल्पामा सामाजिक विकास कार्यालय स्थापना
<p>डाेल्पा। डोल्पामा सामाजिक विकास कार्यालय स्थापना गरिएको छ।</p>
<p>कर्णाली प्रदेश सरकारका उद्योग, पर्यटन वन तथा वातावरणमन्त्री नन्दसिंह बुढाले सामाजिक विकास मन्त्रालयअन्तर्गतको शिक्षा निर्देशनालय सामाजिक विकास कार्यालय उद्घाटन गरे।</p>
<p>भौगोलिक विकटतालाई मध्यनजर गरी जनगुनासोअनुसार नै प्रदेश सरकारका विकासे चार मन्त्रालयका दुई–दुई कार्यालय जिल्लामा राखिएको बताउँदै मन्त्री बुढाले गत ६ भदौमा कर्णाली प्रदेश सरकारले निर्णय गरेअनुसार जिल्लामा धमाधम कार्यालय स्थापना भइरहेका बताए।</p>
<p>जनताले पाउने सेवालाई प्रभावकारी बनाउन जिल्लाबाटै सेवा प्रवाह गर्ने गरी कार्यालयको स्थापना गरिएको कार्यालय प्रमुख धनञ्जय आचार्यले जानकारी दिए।</p>
<p>उनका अनुसार सामाजिक विकास कार्यालयबाट शिक्षा, महिला तथा बालबालिका, अपाङ्ग, ज्येष्ठ नागरिक, श्रम र मुख्यमन्त्री रोजगार कार्यक्रमलगायतका काम हुने तथा नागरिकले जिल्लाबाटै सेवा पाउने छन्।</p>
<p>हाल ६ कर्मचारीले जिल्लाबाट सेवा प्रदान गर्नेछन्।</p>
<p>जिल्लामा कार्यालय स्थापना मात्रै हुने र कर्मचारी नबस्ने भन्ने नागरिकको गुनासोलाई मध्यनजर गरी एक सातामा केही योजनासहित कार्यालयमा सबै कर्मचारी आइपुग्ने कार्यालय प्रमुख आचार्यले जानकारी दिए। <em>रासस</em></p>
प्रतिक्रिया दिनुहोस्
.jpg)
