अफगानिस्तानमा भएकाे बम विष्फोटमा कम्तीमा ९ बालबालिकाको मृत्यु
<p>अफगानिस्तान। अफगानिस्तानको उत्तरपूर्वी राज्य ताखर राज्यको दर्काद जिल्लामा सडकमा बिछ्याइराखेको एउटा बम विष्फोट हुँदा कम्तीमा ९ बालबालिकाको मृत्यु भएको यहाँको प्रहरी स्रोतले जानकारी गराएको छ।</p>
<p>प्रान्तीय प्रहरी कार्यालयले आज एक विज्ञप्ति जारी गरी बिहान ९ बजे विस्फोट भएको र त्यसमा ताहिरी गाउँको एक प्राथमिक विद्यालयमा पढ्न हिँडिरहेका बालबालिकाहरूको मृत्यु भएको पुष्टि गरेको छ।</p>
<p>प्रहरीले घटनामा अफगानी तालिवान विद्रोहीको स‌ंलग्नता रहेको हुनसक्ने बताएको छ।</p>
<p>तर, तालिवान विद्रोहीबाट आज साँझसम्म घटनाबारे केही प्रतिक्रिया आएको छैन।</p>
<p>दार्कद जिल्लामा विगत दुई महिनादेखि सरकारी सुरक्षाकर्मी र विद्रोही लडाकूबीच पटकपटक दोहोरो भिडन्त भइरहेका छन्। <em>सिन्ह्वा</em></p>
प्रतिक्रिया दिनुहोस्
.jpg)
